आइतबार , माघ ९, २०७८

यीनै हुन १० वर्ष निसन्तान रहेकी महिला, अहिले नर्भिक हस्पिटलमा एकै पटक जन्माईन तीन छोरा, यस्तो छ स्वास्थ्य अवस्था !

पुष १८, २०७८ आइतबार 72

काठमाडौँ, १८ पुस । निसन्तानको पीरमा करीव १० वर्ष गुजारेकी एक महिलाले एकैपटक तीन जना .(तिम्ल्याहा) सन्तान जन्माएकी छन् ।

जुम्लाकी ३४ वर्षीया एक महिलाले नर्भिक इन्टरनेशनल हस्पिटलमा आइतबार विहान तीन जना सन्तान जन्माएकी हुन् ।

लामो समय निसन्तान समस्या भोगेकी ती महिलाले टेष्टट्युव बेबी भनिने इन्भिट्रो फर्टिलाइजेसन (आईभिएफ) विधिबाट तिम्ल्याहा छोरा पाएकी हुन् ।

नर्भिकको आइभीएफ सेन्टरको प्रमुख रहेकी डा नुतन शर्माले करीव १२ वर्ष निसन्तानको समस्यामा परेका एक दम्पत्तीले अन्तत आइभीएफ विधिबाट तीन जना छोरा प्राप्त गर्न सफल भएको बताइन ।

उनले आज जन्मेका शिशुहरुको तौल १.८, १.७ र १.५ केजी रहेको जानकारी दिईन ।

‘आइभीएफ विधिबाट प्राय दुईवटा शिशुहरु जन्मिने गर्दछन् । कहिले काँही तीनवटा पनि जन्माउन सकिन्छ । तर यो आफैमा भने जटिल विधि पनि हो । खासगरी गर्भ खेर जाने समस्या हुनसक्छ । हामीले विशेष स्वास्थ्य निगरानीबाट स्वस्थ रुपमा शिशुहरु जन्माउन सफल भयौँ,’ उनले भनिन् ।

पेटमा धेरै शिशु हुँदा पुरा अवधी राख्न पनि समस्या हुने डा शर्माले बताइन । यी तीन वटा शिशु ३५ हप्ताका हुन् । ‘सामान्य त हामीले ३७ हप्ता पछि जन्मनेलाई नर्मल मान्दछौँ ।

तर यो तीनजना भएकोले केही छिटो निकाल्नु प र्‍यो,’ उनले भनिन् । आइतबार विहान तिम्ल्याहा शिशु काखमा लिएको फोटो राख्दै डा. शर्माले भनेकी छन्, ‘नयाँ वर्षको गज्जव सुरुवात !’ नेपाली हेल्थ बाट

नर्भिकको आइभीएफ सेन्टरको प्रमुख रहेकी डा नुतन शर्माले करीव १२ वर्ष निसन्तानको समस्यामा परेका एक दम्पत्तीले अन्तत आइभीएफ

विधिबाट तीन जना छोरा प्राप्त गर्न सफल भएको बताइन । उनले आज जन्मेका शिशुहरुको तौल १.८, १.७ र १.५ केजी रहेको जानकारी दिईन ।

प्रतिकृया दिनुहोस्